Il pövel grischun es cunter üna foura pro la finanziaziun da las rentas e per üna ledscha effiziainta reguard il servezzan d‘infuormaziuns
La dumengia da las votumaziuns ha gnü ün resultat chi correspuonda plainamaing a las parolas da la PLD Grischun. Refüsand l’iniziativa SVR s’ha express il pövel grischun cunter amplifichar la SVR e tour in cumpra üna foura enorma pro la finanziaziun. Id es ün’incumbenza clera al parlamaint da chattar soluziuns dürablas. Implü nu voul negligir il pövel sia sgürezza. Quai es il motiv ch’el ha acceptà cun magiorità clera la la ledscha reguard il servezzan d’infuormaziuns. E lura ha refüsà il pövel eir il sforz dals verds in direcziun d’üna tutela statala.
Na a l’iniziativa SVR
Il votum dal pövel es ün signal cler per üna refuorma dürabla e stabila dal sistem da sgürezza sociala per ils vegls. Invezza da masdar prüma e sguonda pütta es da sgürar il fundamaint. Vegls e giuvens han il dret d’üna renta sgüra e quai sün ans inoura.
Schi a la ledscha reguard il servezzan d‘infuormaziuns
Pels liberals es quista ledscha üna sfida. Ponderar scha la libertà o la sgürezza sajan da valütar plü ot nun es simpel. La decisiun clera nu surlascha ne la libertà ne la sgürezza a la casulaità. La ledscha nouva cumpiglia uossa eir las tecnologias modernas e quai es important per garantir la libertà dal singul. L’adöver da la ledscha es miss suot controllas severas e quai faj eir dabsögn scha la sfera privata dal singul nu less gnir dannagiada.
Na al sforz verd
L’iniziativa dals verds per ün’economia verda ha fat naufragi, per furtüna disch la PLD. Il resultat nun es ün Na cunter ün’economia dürabla. El es plütost ün segn da fiduzcha in nossas impraisas chi as dan già uossa tuotta fadia per ün’econom,ia dürabla. Daplü bürocrazia e daplü sforz nu pon esser la resposta a las sfidas chi as preschaintan hozindi sün quist sectur.
Silvio Zuccoini, chef da pressa