Sentenza dal güdisch federal. PLD nun es irritada. Proporz pür nun es la soluziun.
La sentenza dal güdisch federal nun es üna supraisa. La sentenza renda cuntaint a tuot ils cuntrahents.
Il güdisch federal stipulescha cha’l majorz saja güstifichà per 32 circuls. Per il circul plü pitschen e per ils ses plü grands nun es quai il cas. Cun quai daja pel Grischun plüssas pussibiltats d’adattar il sistem da tscherna. Ün proporz pür nu fa dabsögn e nun es d’introdüer tenor l’idea da la PLD. Important es tenor la PLD cha’l parlamaint saja la respreschantaziun dal chantun e da sia populaziun. Las linguas differentas, ma eir las valladas, regiuns e culturas toccan pro. La multifarietà dal Grischun sto gnir mantgnüda. I sarà uossa l'incumbenza da la regenza e da las partidas da chattar soluziuns chi sun simplas, cleras ed inclegiantaivlas per la populaziun. La dispitta eterna areguard il sistem proporziunal sto uossa esser a fin!
Silvio Zuccolini, chef da pressa PLD.Ils Liberals Grischun
