In quists dis es gnü cuntschaint la decisiun dal güdisch administrativ grischun areguard il möd d’eleger il cussagl grand. La PLD.Ils Liberals Grischun ha tut cogniziun cun satisfacziun cha’l güdisch nun es entrà sül plant. Il güdisch administrativ nu saja l’instanza güsta e’l plant saja gnü inoltrà massa tard.
Il güdisch ha damaja confermà quai cha’ls votants grischuns, l’instanza plü ota, ha vuschà fingià ot jadas. Mai nu’s haja vuglü müdar il sistem d’elecziun. Eir las chambras federalas s’han express in quista direcziun e fat bun il sistem da majorz. Il güdisch federal ha confermà plüssas jadas cha tant il sistem da proporz sco quel da majorz sajan pussibels tenor la constituziun.
La PLD.Ils Liberals Grischun sperescha cha’ls resultats da tuot quistas votumaziuns vegnan uossa respectats da tuots e chi nu capita cha güdischs sforzan tras ün sistem d’elecziun cha’l pövel grischun nu voul. Chi chi metta la voluntà dal pövel adüna fich ot stuvess far quai eir cur cha’l resultat nu til plascha. Amo plü abstrus füssa scha güsta quels, chi plandschan adüna pervi da güdischs esters, gessan uossa a Strassburg pro’l güdisch europeic dals drets d’umans per tscherchar agüd!
Silvio Zuccolini, chef da pressa