PLD salüda la decisiun areguard GRflex – brich transferir chargias süls cumüns ed a la fin examinar lezchas e prestaziuns
Il proceder propost be d’incuort da la regenza per sgürar ün equiliber finanzial dal chantun a luna vista correspuonda a l’incarica da Rudolf Kunz, grandcusglier PLD. Il spazi d’agir pudess gnir redot scha las finanzas ün di as preschaintan plü noschas. La regenza voul uossa realisar il prüm l’examinaziun da lezchas e prestaziuns sco cha la PLD ha pretais fingià avant ün temp. Quai es radschunaivel e stuvess gnir realisà svelt. La regenza voul strendscher las maximas da la politica finanziala, eir quai chatta il sustegn da la PLD. Las decisiuns principalas cha la regenza ha tuttas, suot il ribomb da la consultaziun, sun güstas aint ils ögls da la PLD.
Da flexibilisar cun transferir chargias süls cumüns nu’s vopul tour a mans. Quai füssan : Fuormaziun professiunala, scoulas da chant e da musica, suplemaints da famiglias per persunas sainza lavur pajada ed egualisaziun da finanzas per ils cumüns. La PLD salüda fich la via tutta ed tilla sustegna. Sia pretaisa es chi nu’s discuta uossa massa bler e cha la realisaziun capita uossa bainbod.
