Sco chi’d es fingià tradiziun ha organisà la fracziun PLD dal cussagl grand dürant la sessiun üna sairada da cumpagnia i’l restorant Gansplatz a Cuoira. Star a plaz, giodair la cumpagnia cun giasts invidats – ma eir ün referat interessant d’eiran i’l center da la sairada. Peter Grünenfelder, il directur d’Avenir Suisse ha salvà ün referat al tema “La politica da refuorma liberala es üna necessità”.
I d’eiran preschaints il president da la fracziun Rudolf Kunz, il president da la regenza Christian Rathgeb, il vicepresident da stadi Michael Pfäffli ed il cusglier guvernativ anteriur Reto Mengiardi.
Al referent Peter Grünenfelder esa gratià da preschantar il tema cumplex in ün möd fich inclegiantaivel. Tanter otras chosas ha’l manzunà il müdamaint demografic, v.d. vers üna società plü veglia i’ls pajais dal vest. Lura la cumposiziun nouva da las pussanzas, il crescher da la China e da l’India, lura l’imnatscha globala da la sgürezza, ün’imnatscha chi crescha. Cun quai maniaiva’l il terrorissem global ed eir üna società basada sül ris-ch.
Las sfidas per la Svizra sun in seis ögls:
-Il svilup demografic
-Relaziuns pac cleras cun ils partenaris internaziunals d‘economia
-L’augmaint d’iniziativas e referendums, ostils a l’economia da marchà
-La stabilità finanziala in privel
-Il pais da la reglamentaziun fatta svessa
-Infrastructura insuffiziainta e.u.i.
La democrazia haja dabsögn d’üna refuorma.
Gnüts a pled sun eir ils partenaris ils plü importants sül sectur da l’economia, in prüma lingia la Germania.
Il chef da la fracziun Rudolf Kunz, chi rapreschainta la conscienza liberala da la PLD.Ils Liberals Grischun, hat tut posiziun a la listessa problematica in ün votum fich cler.
Silvio Zuccolini, chef da pressa
Bild (Silvio Zuccolini): CEO Avenir Suisse, Peter Grünenfelder