PLD.Ils Liberals fracziun a Glion – sustgnü il credit suplementar per la cumischiun d’instrucziun parlamentara
Venderdi passà, als 4 d’octiober ha paardert la fracziun PLD.Ils Liberals la sessiun d’october dal cussagl grand. La fracziun ha fat quai suot la guida da la presidenta Vera Stiffler ed in preschentscha dal cusglier guvernativ Christian Rathgeb, directur da la finanzas, aint il hotel Eden a Glion.
Las seguaintas fatschendas sun gnüdas trattadas:
Revision parziala da la ledscha d’introducziun reguard la ledscha federala da la protecziun d’ambiaint. Cun quista proposdta da ledscha as voul s-chaffir üna basa legala per scumandar da trar pro’l stands da tir directamaing aint illa terra e brich aint in tschüffaballas artificialas. Quistas masüras vegnan subvenziunadas da la confederaziun per far svanir ils metals da tössi, plom ed antimon. La PLD vezza chi voul quia da reagir. Cun quista proposta da ledscha reglamentescha il chantun cleramaing che chi saran las consequenzas scha’ls böts da la ledscha federala nun vegnan tgnüts aint.
Entrar es gnü decis sainza discussiun.
Credit suplementar per la cumischiun d’instrucziun parlamentara reguard il cartel in Engiadina Bassa. La cumischiun da gestiun voul ün credit suplementar da 350‘000.- frs implü. La cumischiun d’instrucziun po dimena dispuoner d’ün credit total da 950'000.- frs. Quai vain sustgnü da la fracziun.
Implü s’haja trattà bleras propostas e dumandas parlamentaras, parzialmaing manüdamaing.
Silvio Zuccolini, chef da pressa PLD.Ils Liberals Grischun
