PLD gratulescha a Christian Rathgeb, president da la regenza per sia tscherna sco president da la Swiss DR SA
L’eivna passada ha tschernü il cussagl administrativ da SwissDRG SA a Christian Rathgeb, president da la regenza grischuna e chef dal departamaint da sanità sco president da la società. El es daspö duos ans commember dal cussagl administrativ.La PLD.Ils Liberals grischun gratulescha cordialmaing a seis president da la regenza Christian Rathgeb per quista tscherna onurifica. Quist gremi es fich important per ils ospidals svizzers, eir per ils ospidals acuts in Grischun.
La SwissDRG SA es domiciliada a Berna. Tenor la ledscha federala reguard las sgüranzas d’amalats es ella respunsabla e cumpetenta per elavurar ed actualisar il sistem da pauschalas per cas medicinals concrets. Aint il cussagl administrativ da la SwissDRG SA sezzan rapreschantants da la conferenza svizra dals directurs da sanità, da H+, ils ospidals svizzers, da santé suisse, las sgüranzas d’amalats, da la cumischiun per las tarifas medicalas e da l’uniun dals meidis svizzers FMH.
Daspö ils prüms schner 2012 vegnan pajats ils ospidals tenor pauschalas per cas medicinals concrets, dependentas da las diagnosas, prestaziuns e greivezza dal cas. Mincha ospitalisaziun vain classifichada tenor criteris definits sco diagnosa principala, diagnosa laterala, trattamaints e.u.i. e pajada tenor quella.
Il president da la regenza e directur da sanità Christian Rathgeb surpiglia la plazza da cusglier guvernativ Thomas Hediger, directur da sanità dal chantun Turich.
Silvio Zuccolini, chef da pressa