PLD fracziun a Tusan – trattà il preventiv chantunal 2020
Venderdi e sonda ils 22-23 november s‘ha radunada la fracziun PLD.Ils liberals a Tusan aint ill'aula da la chasa da scoula.PReschaint d’eira eir cusseglier guvernativ, il directur da las finanzas Christian Rathgeb, la sezüda es gnüda manada da la presidenta grond cussgliera Vera Stiffler. Quista dieta da duos dis d’eira maniada per preparar la sessiun da december dal cussegl grond e per trattar dumondas principalas sco in dietas passadas.La prüma part da la sezzüda d’eira dedichada al preventiv 2020.Davo üna debatta manüda cun spiegaziuns tras ils commembers da la cumischiun ha tut posiziun la fracziun in maniera seguainta: La PLD cunstatescha cun satisfacziun cha la regenza voul far tuot per mantgnair las finanzas in üna situaziun stabla. Positiv es eir cha la quota statala scop cifra fich importanta es per la prüma jada chaland. Las maximas finanzialas sun güstas e necessarias, da tillas bandunar brich pussibel, al cuntrari. La PLD varà suot ögl eir in futur precisamaing cha propostas cha la regenza farà per il plan da finanzas.
La situaziun finanziala dal chantun es ün segn cler cha’l sbassamaint pro las impostas d’ierta e pro las impostas da las impraisas es stat güstifichà. Quai es gnü decis aint illas ultimas sessiuns, suot la guida la a PLD. Las vistas i’l futur muossan cha l’incumbenza nu dvainta plü simpla. I sarà dâvair üna disciplina granda reguard las spaisas. Impustüt pro las sgüranzas socialas , p.ex. pro’l sustegn da las premias da las chaschas d’amalats ingio chi’s spetta minch an 6 milliuns daplü, sarà da far alch. I sun da tour suot la marella tuot las incumbenzas sco cha la PLD ha pretais quai cun l’incumbenza Rudolf Kunz. Id es ün segn da respunsabiltà cha la regenza voul cumanzar amo quist an cun quista analisa. Cun il plan da finanzas 2021 – 24 voul ella preschantar eir co chi’s stuvess proceder per avair ün plan da spargn al dret mumaint.
La PLD farà tuot per avair üna situaziun stabla pro las finanzas sün media vista. Tenor la planisaziun saran da preverer deficits chi creschan fin sün 80 milliuns l’an 2022, dat tras expensas aint ils secturs da la fuormaziun, da la sandà ed aint il social, ün purtret chi fa pissers. Ün’otra tractanda d’eiran las infurmaziuns areguard il rapport „PUK“ reguard il cartell da construcziun (rapport parzial reguard l’agir da la polizia).La presentaziun es gnüda fatta da Walter Grass chi ha sustitui il president Michael Pfäffli.Quist rapport detaglià (273 paginas!) darà bler da discuorrer aint il cussegl grond. Sonda avantmezdi saja trattà amo otras tractandas. Il program da la saira d’eira la festa davo las chernas aint l’Hotel Crusch Alba a Tusan cun tschaina e surpraisas.
Silvio Zuccolini, schef da pressa PLD.Ils liberals Grischun
