PLD disch Schi a la revisiun parziala da la ledscha chantunala reguard la prevenziun cunter fös e reguard ils pumpiers
La PLD.Ils Liberals Grischun ha tut posiziun a la revisiun parziala propuonüda e va daperüna cun la granda part da la proposta.
Tscherts puncts principals dal sböz sun precis aint illa lingia da la partida e vegnan salüdats explicitamaing:
Optimar economicamaing la protecziun sainza redüer la qualità
Liberalisar pro chasas d’üna famiglia e stabilimaints plü pitschens
Liberalisar las normas pro la construcziun cun laina
Delegar daplü cumpetenzas a la sgüranza chantunala da stabilimaints, il stadi es in üna rolla subsidiaria.
Pro l’ultim punct as dumanda la PLD scha la cumpetenza da la sgüranza chantunala per obliar ils cumüns haja üna basa legala suffiziainta. Scha quai nun es dal tuot sgür füssa uossa il mumaint ideal per s-chaffir quella.
La PLD Grischun va daperüna da transfuormar ils subsidis per fabrichar reservas d’aua in subsidis per il mantegnimaint da tals indrizs. Important esa però chi nu detta müdamaints pro’l scumpart tanter chantuin e cumüns.
Cha’ls spazzachamins ston uossa avair üna concessiun nun es aint il sen da la PLD. Ma cun quai cha’l güdisch administrativ ha decis uschè, as stuvaraja acceptar quai
Silvio Zuccolini, chef da pressa