Bravo e cumplimaints per la regenza grischuna reguard il preventiv 2017 preschantà l’eivna passada. La regenza prevezza da redüer l’imposta per persunas giuridicas, voul dir impraisas tanter 4 e 10 perschients, ümna masüra chi fa dabsögn e chi vain salüdada da la PLD
Cun quist pass, important e bain fuondà schi’s ponderescha la situaziun da las finanzas chantunalas, ha realisà la regenza chi voul masüras. La situaziun economica es actualmaing fich delicata (seguondas abitaziuns, impraisas da fabrica e.u.i.) e cun quist pass as poja far alch cunter. Tals impuls sun necessaris e perquai da salüdar.
Co chi muossa il preventiv nu’s fa quint ne l’an chi vain ne ils ans venturs cun cifras nairas. Güsta pervi da quai faja dabsögn da tour in mans las masüras da spargn e da structuras co cha la PLD tillas pretenda daspö ans. Quai eir pervi dal paket da la refuorma chi vain nan da la confederaziun. Da redüer uossa las impostas per persunas giuridicas nu das-cha avair sco consequenza da dozar quellas per persunas natüralas in ün pêr ans. I’s sto cumanzar uossa cun spargnar. Las pretaisas da la PLD.Ils Liberals Grischun per la reducziun da las impostas sun uossa accumplidas, ma ellas sun colliadas cun la pretaisa da spargnar in general. Trattand il preventiv 2017 sto tour sül seri il cussagl grand sia incumbenza e sieuer la proposta da la regenza.
Silvio Zuccolini, chef da pressa