Il cussagl grand grischun ha trat duos decisiuns importantas illa sessiun da december. Quellas servan sco muossavia per l’interess da l’economia grischuna e dal sport:
Prüma: La confessiun clera per gös olimpics 2026. Üna confessiun decisa cun 97 : 17 vuschs a man da la votumaziun populara dal favrer 2017.
Seguond: La fracziun PLD unanima ha procurà cha las impostas per persunas giuridicas vegnan sbassadas da 10% i’l chantun e 4% i’ls cumüns. La PLD s’ha expressa uschè per il Grischun sco lö d’economia. La fracziun es persvasa chi’s possa sgürar uschè plazzas da lavur i’l chantun. Cha otras partidas nun han vuglü sieuer quista meglioraziun per l’economia grischuna es da deplorar.
La PLD conferma uschè sia rolla principala cur chi’s tratta da sgürar l’economia grischuna e cun quai eir l’avegnir dal chantun. Uossa esa important da guadagnar votumaziuns importantas, nomnadamaing gös olimpics 2026 e la refuorma da l’imposta per las impraisas III. Giain landervia!
Silvio Zuccolini, chef da pressa