Charas e chars commembers
Nus essan conscients che vus vegnis confruntads da tuttas varts cun ils megliers giavischs ed infurmaziuns las pli actualas tras gasettas, telefon, Skype, internet etc. Nus vulain dentant As porscher noss agid direct, respectivamain porscher l’agid vicendaivel.
Duvrais Vus forsa agid per cumprar utensils e maglia quotidiana u in sustegn en in auter sectur da la vita? U avais Vus simplamain il basegn da telefonar cun in’autra persuna da medems interess? Nus essan persvas che nus pudain organisar en l’intern da nossa partida sustegn per ils basegns quotidians.
Sche nus pudain far insatge per Vus, As annunziai tar noss secretariat. Nus guardain tge commembra u commember da la PLD ch’è en vischinanza e che As po porscher maun!
Tut tenor il motto: Communablamain cuntanschain nus quai!
Restai sauns. Nus ans legrain da schon prest As beneventar “live” ed d’As vesair en natira!
Cordialmain
Bruno Claus, president Sandra Adank-Arioli, secretariat