La PLD.Ils liberals grischuna prenda cun plaschair enconuschientscha dal fatg che era la PCD ensemen cun la PS sustegna l’incumbensa dal president da la fracziun liberala, deputà Rudolf Kunz (Cuera), da realisar en il Grischun in center da sport da naiv. La PLD.Ils liberals grischuna promova quest tema gia dapi onns.
Ella appellescha per quest motiv a la PCD da sustegnair en il parlament federal vehementamain la realisaziun dal center da sport da naiv a Lai. Il temp è favuraivel per gudagnar la voluntad da la PCD da la Svizra franzosa e dal Valais per il project grischun preferì, era sche omaduas partidas eran fin oz scepticas ed èn s’engaschadas fermamain per Andermatt.
La PLD.Ils liberals grischuna considerescha la realisaziun dal center da sport da naiv sco chaussa da la Confederaziun e betg dal Chantun, pia analog a Magglingen u Tenero, e cuntrari a la resoluziun da la PCD. Sch’il project persvadent n’avess betg da chattar sustegn politic avunda per la realisaziun, duai il Chantun sa concentrar sin sias instituziuns cumprovadas e rinforzar quellas. Quai èn ils gimnasis da sport en il Chantun, il center per sport da prestaziun da naiv a Tavau e las scolas da talent. Daners da taglia chantunals èn dad impunder per sportistas e sportists che vivan en il Chantun.
Silvio Zuccolini, chef da pressa