L’eivna passada s’ha reuini il club da supporters PLD a Maiavilla per la radunanza annuala. Id d’eira da festagiar ün giubileum, quai al bain da vignas Pola, pro Claudia ed Andreas von Sprecher. L’uniun da supporters PLD exista daspö 25 ans. Partecipats s‘han eir cusglier guvernativ Christian Rathgeb, cusglier da stadis Martin Schmid, president da la partida Bruno W. Claus, presidenta da la fracziun Vera Stiffler, s-chüsada pervi d’ün termin da medias d’eira la nouveletta cusgliera naziunala Anna Giacometti.
Daspö sia fuondaziun ha’l club da supporters il böt da sustgnair la PLD.Ils Liberals pro tschernas naziunalas e chantunalas, e quai finanzialmaing ed reguard las valurs ed ideas liberalas. Ella fa quai suot il presidi da Martin Wieland, vicepresident dal parlamaint e grandcusglier.
Il hosp, Andreas von Sprecher, ha introdüt la radunanza cun ün sguard sül signuradi e seis contuorns, ün sguard istoric, interessant e preschantà cun umur. El ha fat quai aint illa biblioteca da la chasa Sprecher, ün lö impreschiunant ed interessant.
Bruno Claus ha portà ils salüds da la partida chantunala e nun ha manchantà da valütar il resultat da la fin d’eivna, uschè positiv per la PLD. Christian Rathgeb, cusglier guvernativ, e Martin Schmid, cusglier da stadis güst reelet, han ingrazchà al club da supporters per seis agüd. Sainza sustegn nu’s rivess plü da manar ün cumbat electoral.
Las tractandas statutaricas inclus il quint s’haja fat bun speditivamaing suot la guida da, Karin Iseppi, vicepresidenta dal club.
Davo la radunanza s’haja pudü as laschar gustar la tschaina cumünaivla cun delicatessas dal grischun, cuschinada suot la bachetta da Claudia von Sprecher e sias agüdantas, occasiun per discuorrer e discuter da politica ed otras chosas.
Silvio Zuccolini, chef da pressa
PLD.Ils Liberals Grischun
