Mo anc stgars 3 mais fin tar las elecziuns dal Cussegl grond. Igl è ussa segir che la PLD.Ils liberals dal Grischun vegn a sa participar cun 94 candidatas e candidats. 109 da 120 plazzas sin la glista èn occupads. En 31 circuls electorals sa preschentan candidatas e candidats da la PLD.
Ils 24 da mars èn las candidatas ed ils candidats sa scuntrads tar la Terno SA a Küblis a l’occurrenza iniziala da la campagna electorala. Preschents èn er stads il president da la regenza ed il candidat per la regenza Martin Bühler sco er il candidat per il cussegl guvernativ ed il president da partida Maurizio Michael, che ha avert l’occurrenza cun intginas explicaziuns davart il proxim cumbat electoral. Tranter auter ha el preschentà il motto electoral da la PLD: «Pensar cun diversitad. Agir cun respect. Viver libramain.» Quai sajan las valurs fundamentalas da la PLD, ha accentuà Maurizio Michael.
Suenter in interessant gir tras la Terno SA ha il president da la regenza Martin Bühler drizzà in pèr pleds als preschents. El ha accentuà – confurm al motto electoral – l’impurtanza d’in cumbat electoral gist e plain respect ch’ è degn da vegnir percepì e che envida d’emprender ad enconuscher persunas da tut il chantun Grischun.
La Partida liberaldemocratica dal Grischun ha buna speranza ch’ella restia cun 94 candidatas e candidats en il cussegl grond la segunda forza politica e ch’ella vegnia ad occupar en l’avegnir dus sezs en la regenza.