La secziun da la PLD.Ils Liberals dal Grischun è ina part integrala da la partida chantunala, ultra da las partidas regiunalas, cirquitalas e localas sco er da las autras secziuns.
Nossas politicras s’engaschan per giavischs sociopolitics, socials ed economics – senza divider quels en giavischs generals ed uschenumnads giavischs da dunnas. Tuttina ans engaschain nus per teams maschadads en la politica, en l’economia ed en la societad sco era per ina meglra cumpatibilitad tranter famiglia e professiun. Nus represchentain oravant tut ils dretgs, la posiziun ed ils interess da las dunnas entaifer la partida e vers anora. Las dunnas liberalas vulan fullar via a la lavur politica ed encuraschar e sustegnair las dunnas da surpigliar incumbensas sin tut ils stgalims politics.
Nossa finamira è ina politica liberala da dunnas per dunnas ed umens.
Nus vulain:
- represchentar las dunnas liberalas dal Grischun vers anora e sustegnair e promover ellas en la lavur en la partida ed en la publicitad
- Garantir las relaziuns tranter las politicras ed ils politichers liberals e represchentar lur interess en la PLD dal Grischun sco er en cumissiuns, cumissiuns e gruppas da lavur sur las partidas
- Tschertgar il dialog cun autras dunnas e raits ed als gudagnar per soluziuns progressivas
Tut las commembras femininas inscrittas da la PLD dal Grischun èn automaticamain commembras da la secziun da la PLD.Las dunnas liberalas dal Grischun.
