La fracziun dal cussegl grond da la PLD dal Grischun è critica envers l’etappa 2 dal «Green deal»

Il plan d’acziun «Green Deal» fatschenta dapi l’onn 2019 il Cussegl grond. Per la sessiun d’avrigl 2025 exista la segunda etappa cun la Lescha grischuna davart il clima (LCGL).

La fracziun liberaldemocratica ha debattà en spezial davart la dumonda, quant enavant ch’ils 27 pachets da mesiras elavurads contribueschian effectivamain a cuntanscher las finamiras. Ord vista da la fracziun na sto il sboz da lescha betg mo avair finamiras da la politica dal clima, mabain er tegnair quint da la realitad economica e dals facturs dal Grischun sco lieu economic.

La fracziun pretenda ch’il sboz vegnia adattà en plirs artitgels. Plinavant è vegnì infurmà davart duas revisiuns parzialas da la lescha davart ils dretgs politics, las qualas la fracziun vegn ad approvar tenor la missiva.

Contact per collavuraturas e collavuraturs da las medias:
president da la fracziun Christof Kuoni (christof.kuoni@mayenfeld.ch / 079 508 88 29)