Medienmitteilungen romanisch

L’Engiadinais Jon Fanzun dvainta secretari general nouv da la PLD Svizra e quai dals prüms schner 2022 davent. La cunferenza dals presidents til ha elet unanimamaing.

Weiterlesen

L’eivna passada s’ha reuni il supporter club da la PLD.Ils Liberals per sia radunanza annuala cun ün referat, quai aint il torculum a Cuoira

Quist club exista daspö 26 ans e s’ingascha per la PLD.Ils Liberals Grischun inclusiv ils giuvens liberals e quai cun finanzas ed ideas. Actualmaing sta’l suot il presidi da Martin Wieland, Tumein, cusglier grand e president dal parlamaint.

Il president da la partida, cusglier grand Bruno Claus e la cheffa da la fracziun Vera Stiffler, eir ella cusgliera granda, han portà ils salüds da la partida e da la fracziun e rapportà davart las activitats da quella. Las tschernas nun han dat granda rumpatesta, il president Martin Wieland e la vicepresidenta e chaschiera Karin Iseppi sun gnüts confirmats cun aplaus. Nouv commember da la suprastanza dvainta Markus Berweger, cusglier grand da San Murezzan. Per il revisur Linus Berweger, barmör, aintra Christof Kuoni da Maiavilla. Davo las fatschendas statutaricas ha dat Martin Bühler, chef da l’uffizi per militar e protecziun civila ed eir chef dal stab directiv chantunal üna survista fascinanta da sias activitats e sfidas, tanter oter cur chi va per cumbatter catastrofas.

La fin da la sairada es statta üna tschaina cumünaivla, natüralmaing respectand las masüras da protecziun.

Silvio Zuccolini, chef da pressa

PLD.Ils Liberals Grischun

Weiterlesen

Gratulaziun cordiala Martin Wieland üna resultat grandius da 113 vuschs da 114 valablas es gnü elet dal cussagl grand grischun grandcusglier Martin Wieland mardi passà, als 25 avuost 2020, al president da stadi dal Grischun, damaja sco plü ot Grischunais. Il comitè da la PLD.Ils Liberals Grischun At gratulescha da cour, char Martin per quista elecziun onuraivla e quai cun ün resultat ourdvart bun. No At giavüschain in quist an d’uffiozi bler success e blera satisfacziun.

Silvio Zuccolini, chef da pressa

PLD.Ils Liberals Grischun

Weiterlesen

Suche

Archiv