Medienmitteilungen romanisch

La PLD.Ils Liberals as radunarà marcurdi, als 26 avuot 2020 per üna radunanza da delegats. I saran da decider las parolas per tschinch votumaziuns als 27 settember 2020

1.1 Iniziativa populara dals 31 avuost 2018 per ün’immigraziun modesta (iniziativa da limitaziun)
Referents:Pro: Roman Hug (President SVP GR), Contra: Gian Donatsch (JFGR)

1.2 Ledscha federala reguard la chatscha e la protecziun dals mamifers ed utschels sulvadis Ledscha da chatscha)
Referent:Martin Schmid, cusglier da stadi

1.3 Ledscha federala reguard l’imposta federala, müdamaint dals 27 settember 2019. ( Tour reguard süls cuosts da la chüra dals uffants)
Referenta:Seraina Quitschau, JFGR

1.4Müdamaint da la ledscha reguard la cumpensaziun dal guadogn (cuntraproposta indirecta a l’iniziativa populara: Per ün congedi dals baps radschunaivel – a favur da tuot la famiglia)
Referenta:Anna-Margreth Holzinger, presidenta duonnas PLD Grischun

1.5 Decisiun federala dals 20 december 2019 reguard la cumpra d’aviuns da guerra nouvas
Referenta: Vera Stiffler, presidenta da fracziun PLD Grischun

La radunanza da delegats varà lö als 26 avuost i’l restorant B12 a Cuoira. Ella cumainzarà a las 18. 30 e sarà seguida d’ün aperitiv

La radunanza es sco’l solit averta per tuot ils commembers da la partida

Silvio Zuccolini, chef da pressa PLD.Ils Liberals Grischun

Weiterlesen

Cun plaschair vezza la PLD Grischun ils sforzs repetits areguard l’idea d’üna Porta Alpina. La PLD Grischun d’eira persvas da prüm davent cha la Porta Alpina, ün proget visiunari, füss ün‘opportunità unica per la Surselva e per tuot il chantun Grischun, quai our da vista turistica ed economica. Sco chi para han fat impreschiun la decisiun negativa dal cussagl federal (fingià üna jada in mai 2007), ma eir la critica massiva e propaganda negativa da las medias da la Bassa. La pressiun sül cussagl federal, ma eir sülla regenza grischuna d’eira plü granda co la decisiun dal pövel grischun. La PLD.Ils Liberals less trar adimmaint quella decisiun cun tantüna 70% da Schi a la Porta Alpina. Dal sgür ha eir gnü effet la refüsa massiva da la direcziun da las viafiers federalas.

Il suspet s’ha verifichà, la regenza grischuna ha dat per pers il cumbat per la Porta Alpina, impustüt per motivs finanzials, quella jada in mai 2007. Quai es gnü incunter al cussagl federal. Quai però nun ha merità la populaziun da la Surselva, impustüt brich la giuventüna. Cun la discussiun actuala e cun ils sforzs da la politica grischuna as sainta uossa ün vent nouv. Quai fa plaschair. La Porta Alpina chatta uossa sustegn, e quel nun es pitschen. La PLD.Ils Liberals Grischun sustegna inavant quist proget innovativ.

Uossa esa üna sfida per la regenza grischuna. Dad ella vain pretais da far tuot per cha’l proget chatta sustegn eir sül livè naziunal.

Silvio Zuccolini, chef da pressa
PLD,Ils Liberals Grischun

Weiterlesen

La PLD.Ils Liberals Grischun ingrazcha a la regenza per il rapport cler e bain chapibel . Ils sistems pussibels per la tscherna dal cussagl grand sun elavurats bain aint illa consultaziun.

L’incumbenza da grandcusglier Bruno Claus, il president da la partida chantunala chi nomna ils parameters da resguardar es gnüda respectada cur chi va da cleger oura tanter ils trais models racumandats. Davo examinaziun manüda es eir la PLD da l’idea cha be ils models A, C e E as cunfan culla realtà dal chantun Grischun. La PLD.Ils Liberals Grischun es – sco eir la regenza – da l’idea chi’s stopcha tour resguard sülla pratcha dal güdisch federal cur chi’s clegia oura e lavura inavant vi dals models. La partida less avair eir propostas co reglar ils supleants fin la debatta aint il cussagl grand.

Per La PLD ha il model E la priorità chi prevezza ün sistem masdà, proporz aint ils circuls Cuoira e Tschinch Cumüns e’l rest majorz:

Quist sistem riunischa ils avantags dal majorz per ils circuls plü pitschens chi sun la granda majorità. Be per Cuoira e’ls Tschinch Cumüns faja dabsögn da müdar il sistem. Cun quist sistem masdà as redüa l’intervenziun dal güdisch federal sün be duos circuls, là ingio chi fa propcha dabsögn. Implü as po evitar uschè il sistem dal proporz dubel, chi füss greiv da far chapir a la populaziun.

Silvio Zuccolini PLD chef da pressa

Weiterlesen

Suche

Archiv