Als 27 avrigl 1987 ha cumanzà Silvio Zuccolini sia lavur sco chef da pressa PLD Grischun. Quel di è’l gnü elet da la suprastanza da la partida, suot il presidi da Martin Röthlisberger, Arosa. Als 27 avrigl 2017 ha’l damaja pudü festagiar 30 ans lavur cun las medias a favur da la PLD Grischun.
Quist’actività lunga, ingaschada e multifaria vain descrit in ün discuors tanter cusglier guvernativ Christian Rathgeb e’l giubilar. Quist discuors, publichà illa fuorma d’üna broschüra, vain preschantà in occasiun da la radunanza generala dala PLD.Ils Liberals Grischun , als 17 da mai a Malans, insembel cun l’onurificaziun dal giubilar.
Il comitè da la PLD.Ils Liberals Grischun ingrazcha cordialmaing e gratulescha a Silvio Zuccolini per sia actività lunga sco chef da pressa e respunsabel per la communicaziun.
In nom dal comitè
Bruno W. Claus, president da la partida