La PLD.Ils Liberals Grischun es cuntainta e satisfatta ch al Svizra, specialmaing eir il Grischun, s’ha express cleramaing cunter ün schlargiamaint irrespunsabel da la SVR. Ouramai chals vonats e las votantas svizras han vuschà già la seguonda jada infra pac temp cunter ün tal schlargiamaint as sto uossa tscherchar vias per üna refuorma s-chetta e pensada sün lung temp.
Il schlargiamaint da la SVR nun es darcheu gragià e cun quai giò d’maisda. Da masdar las duos püttas da prevenziun per la vegldüm nu s’ha verifichà neir la seguonda jada. Ne la populaziun ne ils chantuns han vuglü gustar dal tössi dutsch da schlargiar la SVR. Al cuntrari els s’han express cunter impromischiuns populisticas chi vessan fat dan a la SVR.
La PLD ha suottastrichà cuntinuadamaing ch’ella vöglia sgürar las ouvras socialas cun üna refuorma dürabla, respectand ils bsögns da las generaziuns e las pussibiltats finanzialas. Perquai as lubischa la PLD da preschantar in pac temp pakets da refuorma chi sun independents l’ün da l’oter, chi’s po communichar bain e chi stabilischan la prevenziun per la vegldüm. Ella ha preschantà ün plan B fingià avant la votumaziun. Quist plan B es uossa da realisar ter svelt.
Cun las otras forzas constructivas i’l parlamaint federal voul la PLD elavurar ün cumpromiss real, e quai fingià i’ls prossems dis. La PLD spetta cha eir quels chi han pers dumengia passada collavuran e nu‘ s dostan uossa cunter mincha soluziun, d’ingionder ch’ella vain.
Cuntainta es la PLD eir dal Schi a tschella iniziativa Per ün‘alimentaziun sgürada. Il Schi enorm muossa cha la politica d’agricultura dal cusglier federal Schneider-Ammann vain sustgnüda da la populaziun. Uschè resta il marchà liber internaziunal ün’opziun reala.
Silvio Zuccolini, chef da pressa