Gövgia, als 1 gün s’ha reuni la fracziun da la PLD.Ils Liberals Grischun per parderdscher la sessiun da gün. Suot il presidi da Rudolf Kunz da Cuoira ed in preschentscha da Christian Rathgeb, cusglier guvernativ, d’eiran i’l center da las trattattivas il rendaquint 2016 ed il rapport da la cumischiun sindicatoria areguard l’areal da la resgia a Domat chi nu satisfa.
Il rendaquint 2016 dal chantun es gnü trattà manüdamaing. Il resultat operativ cun 16.4 milliuns fa plaschair. A la fin da la discussiun ingio cha’ls commembers da la cumischiun han spiegà ils detagls, s’haja discurrü eir da las finanzas i’ls ans chi vegnan. L’an curraint es da preverer ün resultat egualisà. I voul però üna disciplina granda schi’s voul ragiundscher ils böts 2017 – 2020 cha’l cussagl grand ha fixats. Üna posiziun ha dat bler da discuorrer: Il credit impegnativ per sanar il convict da la scoula chantunala. La fracziun ha dit da Schi, ma ella ha critichà cha credits impegnativs vegnan trattats sten differentamaing. Üna jada daja üna missiva speciala, üna jada – sco uossa – vain dat liber il credit sainmza missiva. La fracziun spetta da la regenza ch’ella farà in avegnir üna pratcha unifuorma per tuot ils credits impegnativs.
La PLD.Ils Liberals as vezza confirmada in si’opiniun areguard la fatschenda da la resgia a Domat. I’s vezza co cha ün privat (Pfeiffer) po metter suot squitsch il man public. Il dret da fabrichar es gnü pajà bler massa ot. Il rapport da la cumischiun muossa eir cha’l cusglier guvernativ respunsabel nun ha infuormà correctamaing ni la cumischiun ni il cussagl grand. L’imnatscha cha la ditta Hamilton banduna il chantun nu d’eira la vardà. Uschè s’haja fat verer ün affar urgiaint chi nu d’eira gnanc’urgiaint visavi da la cumischiun. La regenza e’l cusglier guvernativ stuvaran spiegar quai i’l cussagl grand. I’s spetta eir amo sün maximas co cha’l chantun voul realisar la concurrenza tanter ils cumüns sch’el es svess il plü grand proprietari da terrain d’industria.
Silvio Zuccolini, chef da medias
Bildlegende: Die Fraktion bei der Arbeit in Ilanz
Foto: Silvio Zuccolini