La radunanza da delegats, resp. radunanza generala da la PLD.Ils Liberals Grischun ad Andeer ha pudü tour incunter al cumanzamaint üna decleraziun dal cusglier guvernativ Christian Rathgeb: Il cumbat electoral fetscha progress sco previs. Il cusglier guvernativ nun ha vuglü tour posiziun areguard ils problems dal sectur da fabrica in Engiadina. Tuot vegna actualmaing tut suot la marella, pü davo as possa tour posiziun.
Las tschernas nu preschaintaivan ingüns problems. Il comitè da la partida es il seguaint: president Bruno Claus, Cuoira (fin qua), cusglier guvernativ Christian Rathgeb (fin qua), cusglier da stadi Martin Schmid (fin qua), presidenta da la fracziun Vera Stiffler, Cuoira (fin qua), Urs Marti, Cuoira (fin qua), Tarzisius Caviezel, Tavo, (fin qua) Anna-Margreth Holzinger, Aschera (fin qua), chef da pressa Silvio Zuccolini, Scharans (fin qua), Angela Casanova, Domat/Ems (fin qua). Maurizio Michael, Castasegna (fin qua) Nouv i’l comitè es Gian Donatsch da Malans, sco rapreschantant dals liberals giuvens.
A quels chi sortan, Rudolf Kunz, Cuoira, anteriur chef da la fracziun e Dario Wellinger, Crusch i.P. esa gnü ingrazchà cun ün regal. Implü s’haja confirmà ils delegats svizzers ed ils commembers da la suprastanza sco eir ils revisuors, Georg Weisstanner e Linus Steiger. Ils rapports dal president e da la cheffa da la fracziun han chattà l’acconsentimaint da la radunanza cun applaus. Uschè eir il rendaquint chi’d es gnü preschantà dad Urs Marti al lö d’Angela Casanova.
Davo sun gnüdas a pled las propostas per la votumaziun dals 10 da gnün. Martin Schmid ha preschantà l’iniziativa per l’uschèditta munaida integrala. La radunanza ha dit unanimamaing da NA.
La ledscha federala per gös cun munaida, preschantada pro da Silvio Kunfermann, candidat grandcusglier Val Schons e cunter da Peter Flütsch, candidat grandcusglier Rheinwald. Ils argumaints cunter han persvas bainquant daplü, cun 46 a 9 vuschs ed üna abstenziun s’haja decis la parola NA.
Silvio Zuccolini, chef da pressa
Foto vlnr: Parteipräsdient Bruno W. Claus, Fraktionspräsidentin Vera Stiffler, Ständerat Martin Schmid, Grossratskandidat Kreis Rheinwald Peter Flütsch, Grossratskandidat Kreis Schams Silvio Kunfermann, Regierungsrat Christian Rathgeb
