La PLD.Ils Liberals Grischun ha tut posiziun areguard la creaziun d’üna basa legala per l’introducziun dal e-voting in Grischun, e quai detagliadamaing. Pro las remarchas generalas constatescha la PLD chi nu saja sgür scha’ls respargns pro las dombraziuns possan gnir realisats, üna jkada cur cha’l e-voting saja etabli sco terz chanal per votar.
Aint in seis facit tira la PLD las conclusiuns seguaintas:
In principi sustegna la PLD.Ils Liberals Grischun la pussibiltà dal e-voting sco pussibiltà nouva per as partecipar votand ed elegiand.
Quista pussibiltà suplementara sto esser realisabla per tuot ils cumüns e portar respargns pro’l proceder tradiziunal.
Candidaturas brich annunziadas stuvessan esser admissas pro tschernas cumünalas e chantunalas (sistem da majorz) e quai our da motivs politics.
Elecziuns sainza scrutin stuvessan esser pussiblas sün mincha livè.
La PLDIls Liberals Grischun sustegna damaja il sböz da ledscha in sia direcziun generala. Ella pretenda però d’adattar diversas disposiziuns in sia posiziun detagliada.
Silvio Zuccolini, chef da pressa