PLD.Ils Liberals Grischun: La fracziun as raduna a Clostra. La ledscha d’energia procura per discussiuns – inavo al speditur!
Marcurdi, als 28 marz 2018 s’ha reunida la fracziun dal cussagl grand a Clostra, Hotel Piz Buin. Ella ha pardert la fracziun d’avrigl dal cussagl, quai suot la bachetta da Vera Stiffler, presidenta da la fracziun ed in preschentscha da cusglier guvernativ Christian Rathgeb. Fatschendas plü grandas nu d’eiran da trattar, uschè chi s’ha pudü concentrar süllas numerusas propostas inoltradas e respusas.
Üna jada daplü es gnü a pled la proposta per la ledscha nouva d’energia. Id es gnü constatà cha quel sböz porta cun sai daplü regulaziun ed ün’augmentaziun da stipulaziuns legalas, alch cha la fracziun nu po acceptar in tala maniera. Ella ha decis da refüsar la proposta e tilla trametter inavo al speditur , quai cun propostas da megldrar.
Sur mezdi d’eira invidà il capo cumünal da Clostra, Kurt Steck, chi ha referi davart sfidas ed opportunitats da seis cumün.
