PLD.Ils Liberals Grischun a Laax. I’l center nominaziuns per las tschernas naziunalas 2019, cussagl da stadis e cussagl naziunal
La PLD.Ils Liberals Grischun as radunarà mardi als 12 favrer a las 19.00h aint il Rocks Resort a Laax Murschetg per üna radunanza da delegats. Il punct principal sarà la nominaziun dal cusglier da stadis actual Martin Schmid e quella dals candidats per il cussagl naziunal Michael Pfäffli, Vera Stiffler, Andreas Züllig, Anna Giacometti e Martin Bundi.
Implü es da decider la parola areguard la votumaziun federala dals 19 mai 2019, la proposta da la refuorma d’impostas e la finanziaziun da la SVR. Quista fatschenta vain preschantada da cusglier da stadis Martin Schmid.
La radunanza da delegats / radunanza da nominaziun ha lö aint il Rocks Resort Laax Murschetg, saal Diva1 e cumainza a las 19.00h. Davo gnarà sport ün fondü our il liber. La radunanza es accessibla sco adüna per tuot ils commembers da la partida.
