PLD.Ils Liberals as parderschan a Cuoira – la müdada pro l’imposta d’ierta vain acceptada

Lündeschdi, als 28 da schner 2019 ha pardert la fracziun da la PLD.Ils Liberals Grischun la sessiun da favrer dal cussagl grand. Ella ha fat quai in preschentscha da cusglier guvernativ Christian Rathgeb, suot la bachetta da la presidenta Vera Stiffler.

La tractanda proncipala d’eira la revisiun da la ledscha d’impostas, impustüt l’imposta da l’ierta

Davo trattativas manüdas ha decis la fracziun PLD ch’ella vöglia sustgnair cha persunas aint il concubinat nun hajan da pajar imposta d’ierta e neir brich genituors.

La fracziun pretenda cha l’imposta d’ierta s’adatta a las situaziuns actualas. Uffants dal partenari da concubinat stuvessan esser libers da l’imposta eir schi nu sun creschüts in üna famiglia cumünaivla. La fracziun sustegna eir cha genituors sajan libers da l’imposta dal tuot. Implü salüda la fracziun la müdada da l’imposta da relasch vi a l’imposta d’ierta, quai saja plü simpel. Uschè ha’la decis d’entrar.

La fracziun ha eir trattà ün grand numer da propostas inoltradas, respusas o amo aint il stadi da gnir inoltradas.

Grandcusglier Christof Kuoni da Maiavilla es gnü elet sco vicepresident da la fracziun, sper Martin Wieland.

Silvio Zuccolini, chef da pressa

Bild vlnr: Christian Rathgeb, Vera Stiffler, Martin Wieland