Hoz ha decis la suprastanza da la PLD.Ils Liberals Grischun da propuoner a la radunanza da delegats als 20 november sia posiziun per las tschernas illa regenza 2018. Ella ha fat quai in üna radunanza extraordinaria suot il presidi da Bruno W. Claus. Quel ha infuormà als commembers da la suprastanza manüdamaing sur dals motivs dal comitè. Unanimamaing tras acclamaziun es lura gnü decis:
La PLD.Ils Liberals Grischun va illas tschernas da la regenza cun lur cusglier guvernativ cumprovà Christian Rathgeb chi maina cun grand success il departamaint da güstizia, sgürezza e sandà. Il böt es ch’el vain reelet cun ün resultat brilliant.
Explicitamaing renunzcha la PLD Grischun sün üna seguonda candidatura.
La PLD ingrazcha da cour a seis cusglier guvernativ per seis ingaschamaint e sia lavur instancabla a favur dal pajais e da la populaziun. Ella s’allegra sün üna cuntinuaziun da la collavuraziun früttaivla.
Implü ha nominà la suprastanza il cusglier grand da la Bregaglia Maurizio Michael, da Castasegna, sco commember dal comitè da la partida e seguond vicepresident da la PLD, quai a man da la radunanza da delegats.
Silvio Zuccolini, chef da pressa