Avant pac temp ha salvà il club supporter da la PLD sia radunanza generala i’l museum/Stoffelhaus a Farschno.
Daspö 23 ans sustegna quist club, presidià da Martin Wieland, grandcusglier, Tumein, la PLD.Ils Liberals Grischun, impustüt pro tschernas cun finanzas ed ideas
Cusglier guvernativ Christian Rathgeb, il president da la partida Bruno Claus e la scheffa nouva da la fracziun Vera Stiffler, tuots duos grandcusgliers da Cuoira, han ingrazchà als preschaints per lur sustegn sur blers ans. Sainza quist sustegn nu füssa pussibel d’investir per cumbats electorals. Las tschernas han portà il resultat seguaint: Invezza da Heinz Kessler, blers ans illa suprastanza, es gnü elet Tarzisius Caviezel, mastral e grandcusglier da Tavo. Implü es gnü elet Michael Pfäffli, grandcusglier e vegl president da stadi, San Murezzan. Ils ulteriurs commembers, Martin Wieland, president, Karin Iseppi, vicepresidenta ed Anton Tannò sun gnüts confermats, uschè eir Linus Steiger, Trimmis, sco revisur.
Al cumanzamaint da la radunanza s’haja pudü visitar il stabilimaint istoric a Farschno, il lö da la radunanza. Rudolf Küntzel, president da la fundaziun museum da la Tumlias-cha ha manà tras la chasa
Sco giast ha referi Eveline Saupper, creschüda a Casti, domiciliada a Savognin, advocata e experta d’impostas Il tema da seis referat: Grischun o China. A man d’üna analisa SWOT ha’la preschantà la situaziun economica in Grischun ed ha skizzà ideas e propostas per tilla megldrar.
Il cusglier guvernativ Christian Rathgeb ha tut posiziun reguard la tschernas futuras, illa regenza 2018, i’l cussagl grand 2018 ed i’l cussagl naziunal 2019. Là saraja da guadagnar inavo il sez pers.
Silvio Zuccolini chef da pressa
Bildgalerie: Referentin Eveline Saupper/interessierte Fraktionsmitglieder bei Rundgang im historischen Talmuseum Stoffelhaus in Fürstenau.