Uschè as vegna incunter a l’incumbenza da grandcusglier Rudolf Kunz, PLD. I saja nan da la chosa fich in uorden da far quist müdamaint sco cha oters chantuns hajan fingià fat.
Da redüer la taxa illa schlatta dals genituors sustegna la PLD. Ella voul ir amo ün pass inavant e pretenda chi nu’s tira aint ingüna taxa dadaint la schlatta dals genituors. Tenor la persvasiun saja il dret da formular in confuormità culla realtà illa società. Il sböz prevezza da dozar la taxa dadaour la schlatta dals genituors da 10 sün 15%. Quai es ün adozamaint da l’imposta , ün pa damain in quels cumüns chi ston redüer lur taxa da 25 sün 20 %. Da dozar po gnir acceptà da la PLD be scha illa schlatta e pro‘ls descendents na cumünaivels da pêrins vegna refüsà da trar aint quell’imposta.
Müdand pro l’imposta sülla quota d’ierta nu po acceptar la PLD scha iertavels han da star aint solidaricamaing per ils debits d’imposta dad iertavels chi nun han pajà quella ed ingio cha’l stadi nu riva da tils far pajar. Quistas impostas sun impostas persunalas dals iertaivels e da pajar da quels, Perquai refüsa la PLD quista respunsabiltà solidarica.
Silvio Zuccolini, chef da pressa