PLD s'allegra dal quint favuraivel dal chantun - perche brich redüer las impostas per persunas natüralas?
La PLD.Ils Liberals Grischun s’allegra cha’l quint 2017 dal chantun muossa üna jada daplü ün guadagn, e quai 78 milliuns francs. Aint il preventiv d’eiran previs 20 milliuns perdita. La politica d’impostas, portada in prüma lingia da la PLD fa seis effet. Quai cumprouva il resultat da las impostas, darcheu bainquant daplü. Da redüer il pè da las impostas ha gnü l’effet cha’l resultat total da las impostas es i a munt. L’economia privata porta üna buna part da quist quint allegraivel. Ma i nu’s dascha as laschar orbantar dad effets unics e specials.
Saja sco chi vöglia, tenor la PLD es da stübgiar schi nu füss il mumaint da realisar darcheu üna reducziun pro’l pè d’impostas per persunas natüralas. Quai füss ün profit per tuots, famiglias e.u.i.
Malgrà quista pretaisa sarà la PLD attenta chi nu’s giaja in direcziun d’ün deficit structural. La pretaisa d’ün program da schligerimaint per il stadi voul ella mantgnair.
La fracziun PLD trattarà quist tema in sia prosma sezzüda.
