Il comitè da la PLD.Ils Liberals Grischun s’ha occupà lö’eivna passada tanter oter cun las tschernas dal 2018, quai suot la guida da seis president Bruno Claus: Tschernas da la regenza, dal cussagl grand e dal gussagl naziunal.
A man da la suprastanza da la partida ha formulà il comitè la seguainta propsta reguard las tschernas aint illa regenza 2018:
La PLD.Ils Liberals Grischun va illas tschernas cun lur cusglier chantunal Christian Rathgeb, chef dal departamaint da güstizia, sgürezza e sanità, saviand chi’s tratta d’ün cusglier in uffizi, cumprovà e lavurand cun grand success. Il böt es ch’el vain elet cun ün fich bun resultat.
La PLD Grischun renunzcha damaja expressamaing da nominar ün ulteriur candidat.
La PLD ingrazcha a seis cusglier guvernativ per sia granda lavur a favur dal chantun e da sia populaziun e s’allegra da pudair collavurar cun el quatter ans ulteriurs.
Silvio Zuccolini, chef da pressa