PLD Grischun voul inavo seis mandat i’l cussagl naziunal e quai cun Pfäffli, Stiffler e Züllig
Il comitè da la PLD.Ils Liberals Grischun ha tut cogniziun cun grand plaschair dal fat cha trais persunalitats s’han decleradas prontas da candidar cumünaivlamaing per ün sez aint il cussagl naziunal 2019. Quai sun:
Michael Pfäffli, San Murezzan, vegl president da stadi, grandcusglier, cusglier cumünal da San Murezzan ed impresari. Actualmaing es el preseident da la cumischiun chi investigescha aint illa chosa dal cartel da fabrichar.
Vera Stiffler, Cuoira, grandcusgliera, presidenta da la fracziun PLD secretaria da la partida, expöerta da communicaziun e cusgliera administrativa da la viafier retioca.
Andreas Züllig, hotelier/osp i’l hotel Schweizerhof sülla Planüra e president da Hotelleriesuisse.
Tuots trais sun amo da nominar ufficialmaing da la PLD, insembel cun duos oters candidats sün quista glista.
Fingià uossa hana declerats ch’els vöglian candidar in team per guadagnar inavo il sez da la PLD i’l cussagl naziunal.
La PLD ponderescha da preschantar amo üna seguonda glista, glista da las regiuns. Ils candidats da quella glista ed eventualmaing amo dad otras glistas nu sun amo cunschaints.
