PLD es fich cuntainta cul scumpart dals departamaints - Christian Rathgeb directur nouv da las finanzas
La PLD.Ils Liberals Grischun ha tut cogniziun co cha la regenza voul scumpartir ils departamaints a partir da l’an nouv. Christian Rathgeb, cusglier guvernativ PLD surpigliarà il departamaint da finanzas. La roschada inaspettada illa regenza para plausibla e sgüramaing necessaria, uschè l’idea da la PLD.
Cusglier guvernativ Christian Rathgeb chattarà in seis departamaint nouv da finanzas e cumüns ün‘ organisaziun buna e collavuratuors motivats . Uschè sco aint il departamaint ch’el banduna ed ingio ch’el d’eira propcha da chasa. Sco nouv directur da finanzas s’ingascherà el cun tuot sias forzas per cha quist departamaint clav illa regenza fetscha buna lavur.
La PLD giavüscha a tuot ils cusgliers guvernativs aint in lur departamaints, vegls o nouvs, ma impustüt al cusglier guvernativ Christian Rathgeb tuot il bun, blera energia e success in lur incumbenza da granda respunsabiltà.
