La PLD.Ils Liberals Grischun es cuntainta cha’l cussagl federal v.d. la cusgliera federala respunsabla, ha decis da renunzchar ad üna reducziun dals fits d’aua
Üna tala reducziun vess fat oura raduond 34 milliuns francs per il chantun e’ls cumüns
Per tschertadüns dals cumüns füss stat quista reducziun ün’imnatscha seriusa ed existenziala.
Tant daplü es da salüdar la decisiun in chasa federala da nu tocker quists fits. La regenza grischuna ha dit fich cleramaing ch’ella nu possa acceptar üna reducziun.
La PLD Grischun observarà las discussiuns futuras areguard ils fits d’aua fich manüdamaing.
Silvio Zuccolini
Chef da pressa