La PLD.Ils Liberals Grischun piglia posiziun areguard il preventiv 2019, preschantà d’incuort. Cun satisfacziun constatescha la PLD cha la regenza voul mantgnair ün equiliber pro las finanzas chantunalas, eir sch’ella prevezza ün deficit da 33.7 milliuns (10.5 milliuns daplü co per l’an actual) , la quota statala lasch’la a 14.6% (14.8 l’an actual), fa quint cun üna creschita ligera da 1.6 %(1.5% l’an actual) e voul augmentar las investiziuns brutto e netto.
La PLD vezza eir cha vis our d’optica da las impostas va sü il quint. Las impostas sun ligeramaing creschüdas malgrà la diminuziun pro la tariffa.
La PLD Grischun pretenda uossa cha la regenza preschainta immediatamaing üna tempistica per ün concept co chi’s riva a cifras egualisadas per las finanzas chantunalas. Preschantar ün deficit da 33.7% nu va. La respunsabiltà per las finanzas chantunalas es granda, impustüt schi’s vezza cha las previsiuns prevezzan deficits fin bundant 80 milliuns l’an 2022. Quai nu sun bunas vistas per las finanzas in Grischun.
La PLD spetta otra chosa da la regenza chi nu voul dar man per masüras da spargn e chi voul simplamaing spettar. Elavurar ün concept da spargn voul temp e da til metter in pratcha amo daplü. La PLD pretenda cha la regenza agischa in quist sen ant cha la crisa da finanzas saja davant porta.
