La PLD Grischun ha sustgnü la lavuor da l’iniziant d‘Origen, Giovanni Netzer i’l Surses fingià avant ans e scuvert il potenzial. Grazcha ad Origen sun gnüdas s-chaffidas plazzas da lavur in üna regiun periferica. Origen es cuntschaint uossa sur ils cunfins da la Svizra oura. Il success artistic es üna chosa, l’importanza economica ün’otra. Giovanni Netzer es bun d’unir l’ün cun l’oter e da muossar perspectivas nouvas per il chantun e specialmaing per il Surses.
La Nova Fundaziun Origen merita l’ingrazchamaint e l’arcugnuschentscha da la politica in general e da la PLD.Ils Liberals Grischun. Quella sperescha cha la munaida publica, datta al proget Origen Riom tras la regenza, vegna investida effiziaintamaing, a lunga vista e bain mirada.
Silvio Zuccolini, chef da pressa