La proposta dal cussagl federal ha previs da prolungar la taxa speciala da 3,8 pertschient be fin la fin 2000, damaja be per trais ans. Il cussagl naziunal invezza ha decis da stabilir la reducziun definitivamaing illa ledscha. Quai però es gnü refüsà dal cussagl da stadis. La conferenza d’unificaziun s’ha uossa decis per la formulaziun dal cussagl da stadis, damaja üna prolungaziun per desch ans. La PLD.Ils Liberals Grischun salüda quista decisiun chi’d es aint il interess da l’hotelleria grischuna.
Daspö 1996 vala ill’hotelleria ed aint in otras fuormas da pernottamaint üna taxa ridotta da l’imposta da plüvalur. Quella es gnüda prolungada fingià tschinch jadas. A la fin da quist an füss gnü strichà la soluziun actuala, schi nu vess dat üna decisiun cuntraria. La PLD Grischun s’ha miss aint adüna per üna taxa speciala per l’hotelleria ed ha survgni uossa eir il sustegn dal parlamaint.
La situaziun i’l turissem es difficila, impustüt pervi dal franc svizzer ot. Da laschar crodar la taxa speciala vess fat amo plü difficila la situaziun. Quista taxa speciala nun es üna subvenziun. Cun 55% da giast da l’ester es il turissem in fuond ün artichel d’export. La PLD es fich cuntainta da la decisiun dal parlamaint federal da prolungar la situaziun actuala per desch ans. Quai dà sgürezza a quist sectur e permetta da planisar.
Silvio Zuccolini, chef da pressa