Il president da la partida, Bruno Claus, ha beneventà ils preschaints, eir il president da la regenza Mario Cavigelli ha fat quai e dit ch’el s’allegra fich da l’interess da la PLD vi da quist uffizi e sias incumbenzas. Il patrun da chasa, Ueli Rehsteiner ha dat il bainvgnü ed exprimi seis plaschair da quist inscunter tanter politica ed administraziun.
Adrian Arquint, capo da l’uffizi ha introdüt, illustrand la structura, l’organisaziun e’ls partenaris da l’uffizi. Lura ha preschantà Marcel Michel la pes-cha, Hannes Jenny la planisaziun da la chatscha ed a la fin Adrian Arquint la sfida da las bes-chas rapazzas grandas.
Davo d’eira spazi per dumandas e remarchas. La sairada ha chattà fich bun’accoglientscha pro’l public PLD preschaint. Ün aperitiv cun prodots adattats, chatscha e pes-cha, es gnü sport dals cullavuraturs e copllavuraturas da l’uffizi.
Silvio Zuccolini, chef da pressa