D'utuon ha dat il cussagl da stadis signals positivs per metter in pratcha la ledscha reguard las seguondas abitaziuns, uossa ha trattà il cussagl naziunal la ledscha. Ouravant giaivan lavuors intensivas reguard ün cumpromiss, eir da rapreschantants da la PLD. I va uossa per avair üna basa legala chi tegna.
La PLD.Ils Liberals Grischun salüda chi s'ha pudü chattar üna soluziun. Ils stabilimaints existents sun protets e cun quai eir ils interess dals indigens. I's riva uossa ad üna sgürezza legala, il referendum nun es plü davant porta. Ils cumüns e'ls privats chi lessan fabrichar san uossa co chi'd es la situaziun, fich salüdaivel aint ils ögls da la PLD. Uossa as pudarà survendscher la bloccada chi ha miss in privel tantas plazzas da lavur.
Id es da sperar cha'l cussagl da stadis chi sto trattar quista fatschenda amo üna jada accepta quist cumpromiss il plü svelt pussibel e sainza til far plü nosch co avant. Quai füss cunter ils interess dal chantun grischun.