La PLD.Ils Liberals grischun deplorescha cha’l pövel ha dit cleramaing da Na per il credit gös olimpics 2026. La populaziun grischuna disch Na per la seguonda jada. La PLD es da l’idea chi s’haja manchantà üna jada daplü üna schanza, nempe d’organisar gös olimpics d’inviern radschunaivels, decentrals, cun effets dürabels. Ün evenimaint sportiv cun effets dürabels per il Grischun, per ils lös partenaris e per la Svizra intera, effets economics, ecologics, tecnologics e socials.
Gös olimpics nu sun plü ingün tema, uschè la PLD Grischun. Uossa esa da’s concentrar sün evenimaints locals dürabels, sperand cha quels vegnan portats plü bain da la populaziun.
Silvio Zuccolini chef da pressa