Darcheu ün’attacha cunter ils fits d‘aua – i’s sto far frunt
Ün’allianza largia, ün pa insolita cun avenir suisse sco manader ha attachà ultimamaing darcheu ils fits d’aua chi servan daspö blers ans sco recumpensa per ‚adöver d’aua illas regiuns da muntagna. Üna provocaziun incredibla.
La PLD.Ils Liberals Grischun nu tegna nöglia da l’idea publichada tras las medias. Quella es mirada unicamaing ad üna reducziun massiva o dafatta aboliziun dals fits d’aua.
La PLD as dostan cun veemenza cunter quistas attachas permanentas areguard ils fits d’aua. La PLD Grischun sustegna daspö blers ans cha’ls fits d’aua restan. Per ils cumüns chi profitan da quists fits füss l’aboliziun o la reducziun massiva ün privel existenzial. Per il chantun e’ls cumüns resultess üna perdita ill’otezza da circa 34 milliuns. Quai nu’s po acceptar be uschè. Üna tal’attacha sto gnir confruntada cun veemenza. Discuter as poja, ma be in connex cun ün tuot oter modell da marchà d’energia electrica.
Per finir: La PLD.Ils Liberals GRischun es stutta da dudir darcheu da talas attachas cunter ils fits d’aua, pac davo cha’l cussagl federal ha decis chi nu detta actualmaing ni üna reducziun ni ün’aboliziun
