PLD reguard il rapport parzial da la CIP – lavur da la pulizia
La PLD ingrazcha a la cumischiun d’instrucziun parlamentara CIP per sia lavur. Ella sperescha cha la CIP as possa uossa concentrar plainamaing sün l’examinaziun dal cartel da fabrica. Ma uossa al rapport parzial chi tratta la lavur da la pulizia, ün fat chi ha dat andit a critica e chi nun ha chattà incletta e chi ha manà a la fin a l’installaziun d’üna CIP.
Sco facit as poja dir chi faiva dabsögn d’ün’examinaziun da la CIP reguard la lavur da la pulizia e i’s po eir cunstatar chi nu daiva colliaziuns cul cartel da fabrica. Co chi’d es rivà a l‘acziun dals grenadiers es dubius e la documentaziun manglusa. Tenor la PLD esa important cha la regenza piglia sül seri las racumandaziuns da la CIP. Tschertas chosas sun gnüdas magldradas ils ultims duos ans, otras sto gnir müdadas uossa immediatamaing. La PLD Grischun ha aspettattivas cleras cha cha la regenza haja uossa da far. I sun puncts manzunats eir il rapport:
Documentaziun schi vain agi ufficialmaing Introducziun d’ün management chantunal in cas da periclitaziuns Perfecziunamaint da la pulizia Lingias cleras areguard s’abstgnair in cas da parzialità
Listess di ha preschantà Dr. iur. Andreas Brunner, anteriur procuratur public superiur dal chantun da Turich seis rapport illa listessa chosa, incumbenzà da la regenza grischuna. La PLD constatescha cha Andreas Brunner riva a las istessas conclusiuns e racumandaziuns sco la CIP in seis rapport. La PLD salüda quistas propostas.
Illa cunferenza da medias cun Andreas Brunner ha dit Peter Peyer, cusglier guvernativ da güstizia e pulizia cha la regenza deplorescha explicitamaing cha las instituziuns manzunadas aint il rapport nun hajan agi adüna correctamaing giand intuorn cun AQ. La PLD salüda quista constataziun.
La PLD Grischun es cuntainta chi s’ha trat las consequenzas our da quists evenimaints pac agreabels e chi’s es dispost da trar otras consequenzas. La respunsabiltà es uossa pro la regenza.
La fracziun PLD varà la pussibiltà da far dumandas illa debatta da l’eivna chi vain i’l cussagl grand schi restan amo fats na clers.
Silvio Zuccolini chef da pressa PLD.Ils Liberals Grischun