La PLD Grischun salüda in princip cha’l cussagl federal ha skizzà ils scenaris spettats per sortir da la crisa Corona. Ma tenor ella fa’l quai bler massa esitant. Impustüt nu piglia el reguard, üna jada daplü tenor la PLD, dals interess chi sun avant man pro’ls chantuns da muntagna e turistics. La PLD nu voul acceptar quai e pretenda müdamaints e meglioramaints.
Il Grischun sco chantun turistic es gnü neglet malamaing:
Uschè nun es gnüda preschantada üna soluziun per il sectur gastronomic, hotelleria ed implants da transport turistic. Tuot quai nun es gnanca gnü manzunà, ma patischa ferm suot il lockdown. Sainza sgürezza da planisaziun impustüt per quists secturs economics dal chantun Grischun saran ils dans immens. Tant daplü as haja muossà incuntantezza e dischillusiun. Quella es gnüda udida eir a Berna. Sco chi’s doda ha dit Daniel Koch da l’uffizi federal da sanità chi’s vöglia reponderar la situaziun dals restorants.
Las butias pitschnas ston gnir avertas a listess mumaint sco quellas grandas. Inschinà sarà il dan economic per las impraisas pitschnas e mezdanas amo plü grand co ch’el es fingià
Tenor l’idea da la PLD Grischun as stuvess drivir las scoulas obligatorias plü bod. Quai vaiva pretais la PLD veementamaing fingià plü bod. Inclus in quella pretaisa sun eir las scoulas plü otas (scoulas medias eui.) chi’s stuvess divrir al listess mumaint.
Silvio Zuccolini, Pressechef
FDP.Die Liberalen Graubünden