Cusgliera federala Karin Keller-Sutter a l’aperitiv da Büman da la PLD.Ils Liberals Grischun

Sco’l solit varà lö l’aperitiv tradiziunal da la PLD.Ils Liberals i‘l chastè da Reichenau, e quai venderdi, als 10 da schner 2020 a partir da las 18.00h. L’evenimaint gnarà cumbinà cun üna radunanza da delegats per decider las parolas per la votumaziun dals 9 favrer 2020. In votumaziun gnaran l’iniziativa populara „Per daplü spazi d’abitar pajabel“ e’l „müdamaint da la ledscha penala e ledscha penala militara“. (Tuottas duos propostas gnaran preschantadas tras ils liberals giuvens.) Lura la proposta chantunala Credit per la renovaziun dal center Plantahof. (Preschantaziun da grandcusglier Gian Peter Niggli).

Ouravant portarà cusglier guvernativ Christian Rathgeb ils giavüschs e’l messadi da Büman.

Il punct culminant da l’evenimaint sarà sgüra la preschentscha da

Cusgliera federala Karin Keller-Sutter

Chi partecipescha insembel cun

Cusglier da stadis Martin Schmid

ad ün discuors da chastè.

S’inclegia cha eir exponents da la partida chantunala saran da la partida, tanter oters la cusgliera naziunala PLD Anna Giacometti e’l president da la partida Bruno W. Claus, chi salüdarà a l’inizi la cumpagnia. Davo l’evenimaint gnarà offert ün aperitiv aint il chastè da Reichenau.

Silvio Zuccolini, Chjef da pressa, PLD.Ils Liberals Grischun