Medienmitteilungen romanisch

La PLD.Ils Liberals Grischun as radunarà per sia radunanza generala marcurdi als 8 da mai i’l restorant Chastè Brandis a Maiavilla. I saran da trattar las tractandas statutaricas, tanter otras il rendaquint 2018, preschantà da la respunsabla Angela Casanova, e’ls rapports d’actività saja dal president da la partida Bruno W. Claus, saja da la cheffa da la fracziun Vera Stiffler..

Lura sieuerà ün’infuormazioun reguard las tschernas naziunalas. Quia gnarà preschantada ün’ulteriura glista per il cussagl naziunal.

Lura sarà la votumaziun dals 19 da mai il tema. Duonna Flavia Aebli dals giuvens liberals preschantarà il referendum cunter il müdamaint da la ledscha d’armas e’l mastral da Tavo e vicecapo da la società grischuna da chatschaders Tarcisi Caviezel l’iniziativa reguard la chatscha speciala

La radunanza generala varà lö marcurdi als 8 da mai 2019, a las 19.00 i’l restorant Brandis a Maiavilla. Ella es sco’l solit accessibla per tuot ils commembers da la partida. Davo gnarà offert ün aperitiv.

Silvio Zuccolini, chef da pressa

Weiterlesen

La PLD.Ils Liberals Grischun ha defini sia üposiziun areguard la proposta da ledscha GRFlex. Ella arcugnuoscha la voluntà da la regenza dad esser bain preparada per ün program da spargn concret cun quistas propostas. Da realisar quai in duos fasas es üna buna chosa tenor la PLD.

Il prüm voul la regenza plazzar illas ledschad formulaziuns da „pudair“. Quai darà üna flexibiltà invezza da definir precisamaing ils obligs finanzials. Cun quai po regir il cussagl grand sco cha quai es il cas fingià uossa e quai pro bleras ledschas. Quist stuvess però capitar pür cur cha las premissas per ün program da schligerimaint sun dattas. La PLD es da l’idea cha fingià la regenza, stabilind il preventiv, guadagna cun quai daplü libertà. La regenza suottastricha cha ella voul concretisar ün program da spargn pür cur cha las premissas saran dattas. Ella lashca liber sch’ella less intervgnir eir sainmza quistas premissas e quai darà malsgürezzas pro quels chi sun dependents da la munaida. Quia spetta la PLD fats plü clers.

La PLD Grischun damaja pretenda, fand ün fazit, üna concretisaziun clera areguard GRFlex. Perche GRFlex nun es amo ün program da spargn, il temp da regair es massa lönche’l chantun nu spargna pro sai svess. Da dar via chargias als cvumüns nu po esser la soluziun tenor la PLD. La PLD sustegna plainamaing la flexibilisaziun areguard il potenzial da spargn, ma spetta daplü: Examinar las prestaziuns e las spaisas dal chantun, alch chi’s vess stuvü far fingià daspö ün temp.

Las finanzas chantunalas sun in ün bun stadi. La regenza disch però cun radschun cha in media e lunga vista as vezza strettas i’l sectur da las finanzas e las finanzas pudessan svelt perder l’equiliber actual. Tenor la PLD as sto prevgnir uossa.

Silvio Zuccolini, chef da pressa

Weiterlesen

La direcziun planisada da metter insembel il güdisch chantunal ed il güdisch administrativ in ün unic güdisch superiur vain salüdada da la PLD Grischun. Cun quai as less ragiundscher eir l’effet cha’l güdisch dvainta plü effiziaint. L’analisa da la regenza ed il congual culs oters chantuns es üna buna basa da discussiun.

Aint i’l center da la refuorma sto esser il profit per la populaziun. La refuorma sto cumbatter cha las proceduras van adüna plü lönch. Ozindi pel solit bler massa lönch.  

La tscherna dal güdisch sto restar sco fin uossa pro’l cussagl grand. Da quai nu’s stuvess discuter, tenor l’idea da la PLD.

La fracziun PLD trattarà in sia prossma sezzüda la missiva e las dumandas fattas.

Silvio Zuccolini, chef da pressa

Weiterlesen

Suche

Archiv