Medienmitteilungen romanisch

La PLD.Ils Liberals Grischun es satisfatta. La cumischiun d’energia dal cussagl naziunal UREK-N ha decis da renunzchar sün ün sbassamaint dals fits d’aua. Fin 2024 as voul laschar ilös fits ingio chi sun. Tenor la PLD Grischun es quai üna decisiun marcanta e da lunga vezzüda. Ella surpiglia la posiziun dal cussagl da stadis. Il maximum actual tenor la ledscha es 110 francs pro kilowatt. Preverer ün sbassamaint o dafatta strichar ils fits d’aua es cun quai giò’d maisa.

Üna reducziun massiva sco ch’ella es gnüda discussa fingià daspö ün temp, vess gnü sco consequenza ün minus da 35 milliuns pro cumüns e chantun.

Per tschertadüns dals cumüns füss quai statta üna reducziun d’importanza existenziala. Perquai haja dat blera critica i’l proceder da consultaziun. La decisiun actuala our da la chasa federala, laschar tuot sco chi’d es vain salüdada fich ferm dal liberals grischuns. Ingaschats s’han eir la regenza grischuna e’ls cumüns da concessiun dal Grischun. A tuots duos ün grazcha fich per lur posiziun clera.

La PLD Grischun varà bain suot ögl las discussiuns e las calculaziuns a partir da l’an 2025 per as metter cunter tuot las attachas reguard ils fits d’aua.  

Silvio Zuccolini, chef da pressa

Weiterlesen

Als 14 da favrer 2019 ha fat bun la cumischiun per economia e taxas, culs duos cusgliers da stadis grischuns Schmid ed Engler, ün sböz per svanir cun la valur da l’aigna abitaziun. I va per metter in pratcha l’iniziativa parlamentara da la listessa cumischiun. Quist sböz va uossa in üna consultaziun.

 

Weiterlesen

Divers rapports illas medias quintan cha la protecziun civila vegna redotta massivamaing, i’s discuorra da 40 pertschient. Quist proget saja üna part da la revisiun planisada da la ledscha federala reguard la protecziun da la populaziun e la protecziun civila.

Quista reducziun massiva dal persunal, impustüt las consequenzas illas valladas dal Grischun dal süd es tenor la PLD.Ils Liberals Grischun ün proget sainza respunsabiltà chi fa pissers. Ella s’ingascherà per il mantegnimaint d’üna protecziun civila cumpetenta e drizzad’oura sün temps plü lungs, cur cha la ledscha gnarà discussa aint illas chambras federalas.

Chantuns sco’l Grischun han dabsögn da mezs e da persunal per gnir a bröch cun catastrofas e situaziuns extraordinarias, par exaimpel cur chi’s tratta da cumbatter consequenzas dal müdamaint da clima. La PLD.Ils Liberals Grischun sta aint per organisaziuns da milizia fermas chi garantischan la sgürezza dal pajais e sia populaziun. L’armada, la protecziun civila ed ils pumpiers han dabsögn da persunal ingaschà e bain fuormà per a favur da la populaziun in ün cas extraordinari. La PLD.Grischun sperescha cha’l proget nu dvainta realtà, ma vegna amo adattà.

Silvio Zuccolini, chef da pressa

Weiterlesen

Suche

Archiv