Medienmitteilungen romanisch

L’apero tradiziunal da Büman da la PLD Grischun varà lö in venderdi als 18 schner 2019 sco adüna i’l chastè da Reichenau. Il titul da l’arrandschamaint es „PLD Grischun cunl tschernas nationalas 2019”.

Punct culminant sarà il referat da

Petra Gössi, presidenta da la PLD.Ils Liberals svizra

Ella discuorrerà sur da:

Tschernas naziunalas 2019 – insembel far pass inavant

No ans allegrain sül evenimaint culla presidenta svizra. SDeis referat cul titul menziunà sarà ün inizi perfet per l’an da tscherna 2019 e darà eir üna vista sül minchadi d’üna presidenta da partida.Davo moderescha il president chantunal Bruno W. Claus il podium cun la presidenta svizra Petra Gössi e cusglier da stadi Martin Schmid.

Preschaint saran eir oters exponents da la partida liberala, tanter oters cusglier guvernativ Christian Rathgeb.Martin Schmid darà cuntschaint la missiva da Büman dals liberals grischuns.  L’arrandschamaint vain moderà dal president da la partida  Bruno Claus

Davo il referat da Petra Gössi sarà spazi avuonda per inscunters persunals pro l’aperitiv.

Silvio Zuccolini, chef da pressa

Weiterlesen

Avant ün mais ha dat cuntschaint la PLD.Ils Liberals Grischun ch’ella prevezza da‘ s partecipar allas tschernas dal cussagl naziunal cun üna glista principala cun Michael Pfäffli, San Murezzan, Vera Stiffler, Cuoira e Andreas Züllig, Planüra. Ils duos oters candidats nu d’eiran amo cuntschaints

La PLD s’allegra cha la glista principala es uossa cumpletta.

Anna Giacometti da Stampa, capo cumünal da la Bregaglia, vicepresidenta da la cunferenza dals presidents da la regiun Maloja e commember da la cumischiun da cultura da quista regiun.

Martin Bundi da Trin, coproprietari da la BMU Treuhand AG e da la scoula superiura commerciala Grischun, chasarin parzial, commember da la cumischiun da gestiun da Trin e da la regiun Plaun.

Tuot ils tschinch candidats ston amo gnir nominats da la redunanza da delegats, als 12 favrer a Laax. Là gnaran els preschantats cun infuormaziuns detagliadas.

Il böt es cler: Avair inavo il sez liberal grischun i’l cussagl naziunal.

La PLD as reserva la pussibiltà da candidar amo cun üna glista suplementara, p.ex. regiunala. Là nu’s haja actualmaing fingià infuormaziuns ulteriuras.

Silvio Zuccolini, Chef da pressa

Weiterlesen

A la fin da quist an bandinaran ils duos commembers, Barbara Janom Steiner e Martin Jäger la regenza grischuna, saja chi han dat lur demischiun o cha la ledscha nu permetta plü lur actività

La PLD.Ils Liberals Grischun ingrazcha als duos regents cordialmaing per lur actività da success e per la collavuraziun. Natüralmaing chi ha dat minchatant differenzchas illa chosa ed illa tenuta politica, ma l’actività a bön dal chantun e sia populaziun es degna d’esser arcugnuoschüda.

La PLD giavüscha a Barbara ed a Martin tuot il bun per lur avegnir, bainstar e buna sandà co chi sarà il cuors da lur vita futura.

Silvio Zuccolini, chef da pressa

Weiterlesen

Suche

Archiv