La fracziun PLD s’occupa in sia sezzüda a San Bernardino tanter oter eir cullas tschernas i’l güdisch chantunal

ZU/Gövgia/venderdi als 13 e 14 avuost 2020 s^ha radunada la fracziun PLD.Ils Liberals Grischun a San Bernardino. Suot la guida da Vera Stiffler, presidenta da la fraczioun ed in preschentscha dal president da la regenza Christian Rathgeb ha ella tut a man ün grand numer da fatschentas. Üna part da la dieta d’eira dedichada al star in cumpagnia.

La fracziun ha discus ils seguaints puncts: Rapport reguard las vias e program da construcziun 2021 – 2024, concordat svizzer reguard giovar cun munaida, ledscha chantunala reguard quist tema, revisiun parziala da la ledscha da chüra d’amalats e rinforzamaint da la chüra d’uffants sper la famiglia

Üna da las tractandas principalas d’eira la discussiun reguard las tschernas dal güdisch chantunal. La fracziun voul chi’s piglia in man immediatamaing da metter insembel ils duos güdischs plü ots, cumprais ün management professiunal ed ün secretariat da güdisch. Pro las tschernas sustegna la fracziun cun granda majorità las propostas da la cumischiun per il vicepresidi e‘ls oters güdischs in carica.

Ella invidarà ils candidats nouvs e’l candidat da la PS per üna discussiun, e farà quai eir cun il güdisch chi nu vain propost plü da la cumischiun.

Davo la prüma part da la sezzüda ha visità la fracziun la ditta er Swiss Lachs /Swiss Alpin Fisch AG a Lostallo.

Silvio Zuccolini, chef da pressa
PLD.Ils Liberals Grischun