Christian Rathgeb es president da la regenza grischuna per l’an 2020

A Büman ha surtut per la seguonda jada Christian Rathgeb cusglier guvernativ e directur da las finanzas il presidi da la regenza grischuna. El es gnü elet illa sessiun da gün dal cussagl grand cun il resultat excellent da 113 vuschs.
La PLD.Ils Liberals Grischun giavüscha a seis cusglier guvernativ bler success e satisfacziun in sia clamada da president e blers inscunters interessants cun glieud e pajais. Las sfidas specialas nu mancaran in quist an. Cun il program da la regenza saran da stabilir ils puncts cardinals per la politica dals quatter ans venturs e cul plan finanzial la politica da finanzas. Cun il rapport d’effizienza gnarà surlavurada l’egualisaziun finanziala tanter ils cumüns e lura sarà da definir il möd nouv per l’elecziun dal parlamaint chantunal. La banca chantunala festagiarà seis giubileum da 150 ans e’l WEF exista daspö 50 ans, occasiuns da verer i’l futur da quistas instituziuns.

                                                     

Silvio Zuccolini, chef da pressa
PLD.Ils Liberals Grischun